1 x 11 jaor Batsekratzers (1997 / 2007)
’n Leedje veur de Zösterse Maedjes woor de aanleiding veur de oprichting van de vastelaoveszanggroep de Batsekratzers oet Zöstere. René de Seričre schreef ’t leedje Te Awt Veur?(meziek van Nico Dirkx), wo de Maedjes nog eine kieër mit wólle knalle op de Zösterse sjlageraovend in 1997. ’t Leep get angesj: de Maedjes móste om oeteinloupende raejes versjtek laote gaon en dao sjtóng René mit zien leedje. Hae vónj ’t zunj óm deze sjlager oppe plank te laote ligke dus trok d’r de welbekčnde sjtoute sjoon aan en vroog get vrunj en vriendinne of ze geine zin hawwe óm eine kieër mit de doon aan de vastelaovessjlager. Det die gein nae zagte moog waal dudelik zeen.
Noe moos de groep waal nog ‘nne naam höbbe en det woor lestig genóg. Noe zoog René op einig moment eine (en dae naam numme weer bewus neet) zich aan zien batse kratze en jao heuër dao woor de naam: de Batsekratzers. Zoa gezag en zoa gedaon deej men entoesiast mit aan de sjlager. Mit ’n sjoan finaleplaats in det jaor woore ze toch waal verplicht óm dees deilname ’n gevolg te gaeve.
’t Jaor daonao deeje ze weer mit. ‘ne Enkeling haw ’t bie det ieëste jaor gelaote, mer d’r woore auch get nuuj entoesiastelinge d’rbie gekómme. Hofleverancier van de Batse woor inmiddels zaalvoetbalklub Sjlaop Mčr Wiejer.
De gouden periode brook aan róndj de milleniumjaore: in 1999, 2000 en 2001 ginge ze mit de groatse ieër sjtrieke in ’t Zösterse Graasboerriek. ’t Mčnke oppe Mčrt (1999) mit ’n gewelige performence van Mark Mols es Mčnke oppe sokkel, haet ’n ónvergaetelike plaats ingenómme in de Zösterse vastelaovend en ’t Geit wie ’t Geit is ‘nne echte bestseller gewoare.
Dees suksesse woore auch de aanleiding det ze ‘de hort’ opginge en hun kunste in anger plaatse gingen verteuëne. In 2005 hawwe ze ’n prachtige ceedeepresentatie (van Bčtske tot Bats) wo noe nog sjoan euver gesjpraoke wurd.
Auch Jos Laumen van Limbo Music haet deze jónges en maedjes óntdek: ze sjtaon al jaore op de Limburgse verzamelceede Vastelaovesvirus.
Al ellef jaor ’n begrip, en neet allein in de Zösterse vastelaovend. Door de jaore zeen d’r get lüüj de revu gepasseerd bie de Batse: beveurbeeld Gerardo Romero (inmiddel wereldberoemd mit Pinchitos Caliente) en Wim van Juulke van de Mäös, jaorelangk same mit René verantwoordelik veur de tekse en ideeje.
Vandaag de daag besjtaon de Batse oet: René de Seričre, Wim Maessen, John Sanders, Ilona Vluggen, Mark Mols, Carla Widdershoven, Stefan Hamers, Silvia Bakkes, Rob Bakkes en Jenny Schepers.
Dees groep hoe als hoogtepunt het bereiken van de LVK finale 2008 in Sevenum mit 't nummer Operetteketet. Dees plaat waor gesjrieve door Arno op de Kamp.