De Batsekratzers Zöstere

Te koop biej de Batsekratzers

VastelaovesZangGroep de Batsekratzers is ´nne zanggroep oet Zöstere. In ´t naojaor van 1996 opgerich. Oorsjpronkelek woor ´t allein mer de bedoeling óm in Zöstere mit te doon aan ´t plaatseleke leedjeskonkoer. Naodet zie dao in 1999, 2000 en 2001 mit hoagste ieër woore gaon sjtrieke woord d´r get aan hun getrokke óm auch op anger plaatse hun zangkunste te laote heuëre. Det gebeurde den auch vanaaf 2002.

Hoewel alles op vriewillige basis is bie de Batsekratzers waerde de vraog veur optraejes sjteeds groater, en hiedoor auch de vraog nao CeeDees. Dit verklaart ´t produkt det geer noe in uch henj höbt. Geweun leuke leedjes, gein covers en allemaol mit de eige handj gesjreven (in éjste instantie mit ´n potload of pen).

Nao de successe in eige dörp en bie de Sjeng Kraft Kompenei is de groatste druim natuurlek ´t LVK: wat zou ´t toch sjoan zeen es ze dao ´ns door zoewe koome en de finale zoewe haole. Mer ja, jedere zichzelf respecterende vastelaovesarties wilt det gaer. Toch zulle de jónges en maedjes van de Batse de haup neet opgaeve en troew blieve insjture.

Tot sjlot wille weer uch noch veul loester- en sjoekelplezeer wunsje mit ´van Bètske tot Bats´.  Enne ………….  kratz mer röstig, det moog waal.

Info: 06 – 23 22 18 01 of e-mail nao  debatsekratzers@home.nl